Vanakan-ը ներկայացնում է հայկական էթնիկ ռոքի նոր սերունդը։ Սերելով երաժշտական ընդհատակից՝ խումբը կարողացավ շոշափելի հաջողությունների հասնել, այդ թվում՝ ունկնդիրների կողմից ջերմորեն ընդունված ռելիզներ, թատերական ներկայացումների երաժշտական ձևավորումներ և այլն։ Vanakan-ի երաժշտությունը բազմազան է․ նրանց ամենահայտնի գործերը հայկական մոտիվների և պրոգի կուռ ձուլվածք են, սակայն, խումբը չի սահմանափակվում միայն էթնիկ ռոքով, և ստեղծագործում է նաև անգլերեն։ Ոճի սիրահարներն, ու ոչ միայն, նրանց երաժշտության մեջ կգտնեն թե՛ ծանր ու խելացի ռիֆեր, թե՛ գեղեցիկ սոլոներ, բայց առաջին հերթին, անկասկած, կհիշեն վոկալիստ Վան Հովհաննիսյանի եզակի ու շատ հզոր ձայնը։ Մինչև մարտի 26՝ 5000 ՀՀԴ, մարտի 26-ից և մուտքի մոտ՝ 6000 ՀՀԴ: