Գրականության և արվեստի թանգարանի հարուստ արխիվի վրա հիմնված ցուցադրությունը ներկայացնում է սոցիալական անհավասարության դեմ պայքարող գրողին, կանանց ազատագրման գաղափարների նվիրյալին, ով հիմնովին փոխեց կնոջ ավանդական կերպարը հայ գրականության մեջ: Արխիվային վավերագրերի, լուսանկարների և անտիպ ձեռագրերի միջոցով բացահայտվում է բանաստեղծուհու կյանքը, ինչպես նաև նրա և ամուսնու՝ Արշակ Կուրղինյանի անտիպ սիրային նամակագրությունը: Ցուցադրությունն ամփոփվում է Շուշան Ավագյանի աշխատասիրությամբ լույս տեսած «Ապրել եմ ուզում» ժողովածուով: Համադրող՝ Մարինե Հարոյան: Հարցերի դեպքում՝ 010 56 36 41