Հրազդանի կիրճում մեծ քանակությամբ աղբ է կուտակվել, տեղանքը բարդ է։ Նախորդ երկու մաքրման աշխատանքների ընթացքում լանջից դուրս է բերվել գրեթե 4,5 տոննա աղբ, բայց այն դեռ շատ է։ Գործ կգտնվի բոլորի համար։ Լանջին կա թե՛ մանր պլաստիկ ու ապակի, թե՛ խոշոր շինարարական թափոններ։ Աղբն այստեղ տարիներով է կուտակվել ու տեղ-տեղ սերտաճել հողին։ Հագեք փակ, հարմարավետ կոշիկներ և հագուստ, որը ցավալի չէ կեղտոտել։ Գրանցվել պետք չէ, ձեռնոցները, տոպրակները և անհրաժեշտ գործիքները տրամադրվում են տեղում։ Հավաքատեղի՝ Արգիշտիի փողոց, 36 (կոորդինատներ՝ 40.173606, 44.498740)։