«Թանգարանային գիշերվա» շրջանակում Ավետիք Իսահակյանի տուն-թանգարանը ներկայացնում է երաժշտագետ և նկարչուհի Աստղիկ Մարտիրոսյանի անհատական առաջին ցուցահանդեսը: «Երազներ» խորագրով ցուցադրությունում կտավներն ասես շարունակվում են մեկը մյուսի մեջ՝ վերակառուցելով երազի լեզուն գույնի, ձևի և ներքին ժամանակի փոխհարաբերության միջոցով: Հեղինակի աշխատանքներից մի քանիսը տեղ են գտել Կոմիտասի թանգարան-ինստիտուտի «Հազար ու մի երգ» մատենաշարի «Օրորոցի երգեր» և «Մանկական երգեր» հատորներում: Մուտքն ազատ է: