Այս տարվա խորագիրն է «Ֆիզիկական ԱԲ․ ճարտարագիտական բանականությունը իրական աշխարհում» (Physical AI: Engineering Intelligence for the Real World)։ Հիմնական ուղղություններն են ֆիզիկական արհեստական բանականությունը, ռոբոտատեխնիկան, կիսահաղորդիչները, ավտոմոբիլային ու օդատիեզերական ճարտարագիտությունը, խելացի արտադրությունը, կենսաբժշկությունը և կրթական տեխնոլոգիաները։ Ծրագիր․ Հոկտեմբերի 2 (Ինժեներական քաղաք)՝ Պաշտոնական բացում, միջազգային փորձագետների ելույթներ, Engineering Expo-ի մեկնարկ և մարդանման ռոբոտի ցուցադրություն։ Հոկտեմբերի 3 (Ինժեներական քաղաք)՝ Ճարտարագիտական ցուցահանդես, կրթական-երիտասարդական գոտի և ոլորտային քննարկումներ։ Հոկտեմբերի 4 (Վանաձորի տեխնոլոգիական կենտրոն)՝ Մարզային միջոցառումներ և եզրափակիչ քննարկումներ։