Թումո ստուդիաները ներկայացնում է Էլեն Պապիկյանի առաջին անհատական ցուցահանդեսը: «Վարդ» հավաքածուի միջոցով հայկական ասեղնագործ ժանյակի ավանդույթը վերածվում է նոր, ծավալային ստեղծագործության։ Թելի և ասեղի միասնության շնորհիվ ասեղնագործությունը պոկվում է հարթությունից՝ դառնալով ինքնաբավ զարդ: Յուրաքանչյուր նմուշ ստեղծվում է դանդաղ ձեռքի աշխատանքի և համբերության ռիթմով: Ցուցահանդեսը հրավեր է բացահայտելու հայկական ժանյակը արհեստի սահմաններից անդին՝ իբրև ժառանգություն, որը զարգանում և արտահայտվում է ստեղծագործական նոր լեզվով։