ԵԹԿՊԻ-ի Գյումրու մասնաճյուղի 2-րդ կուրսի ներկայացումը՝ ըստ Դոն Նիգրոյի պիեսաշարի։ Բեմադրությունը՝ Լյուդվիգ Հարությունյանի և Արտուշ Միքայելյանի։ Մեկ ժամ տևողությամբ ներկայացումը կենտրոնանում է ժամանակակից մարդու գոյաբանական վիճակի վրա՝ անդրադառնալով անհատի և հասարակության բախմանը, ներքին մեկուսացմանը, կախվածություններին, մարդկային թուլություններին ու ինքնության ճգնաժամին։ Հերոսները հայտնվում են հոգեբանական փակուղիներում, պայքարում անտարբերության դեմ՝ փորձելով պահպանել հավատը սեփական երազանքների, ընտրության հնարավորության և ներքին ազատության նկատմամբ։