Ճամփորդություն Վայոց ձորի ստորգետնյա աշխարհում երկու տարբեր ձևաչափի քարանձավներում: Արենի-1 (Թռչունների քարանձավ) Հնագիտական էքսկուրսիա պրոֆեսիոնալ գիդի ուղեկցությամբ: Կծանոթանանք հնագույն գինեգործության վկայություններին և աշխարհի ամենահին կաշվե կոշիկի հայտնաբերման վայրին: Մագելանի քարանձավ Իրական սպելեո-արկած: Սկզբում կանցնենք լուսավորված էքսկուրսիոն հատվածը, այնուհետև կխորանանք ոչ տուրիստական երթուղով: Սպասվում են մոտ 2 ժամ ստորգետնյա անցումներ, նեղ ու մութ արահետներ, չղջիկներ և քարանձավային ձևավորումներ: Երթուղին ստանդարտից ավելի խորն է ու բարդ, պահանջում է որոշակի ճարպկություն: Ճանապարհին նախատեսված է կանգառ Երասխում, անցում Տիգրանաշենի ոլորաններով և տեսարաններ դեպի Արարատ լեռն ու Վայոց ձորի կիրճերը: Ուղեկցելու են Armenian Speleo Club «Black Bat»-ի մասնագետները: Գրանցման համար զանգահարել 077966115: