2018 թվականի հայաստանյան թավշյա, ոչ բռնի հեղափոխության ներքին խոհերի, կազմակերպական մանրամասների և պատմական տեղաշարժերի վավերագրությունն է Արմեն Գրիգորյանի «Քայլ արա, մերժի՛ր Սերժին» գիրքը։ Հեղինակն անձնական փորձի, քաղաքական վերլուծության և փաստերի համադրությամբ բացում է այն դռները, որոնց հետևում ձևավորվեց համաժողովրդական շարժումը։ Գրքում մանրամասն ներկայացված են փողոցի պայքարի մարտավարությունը, քաղաքացիական անհնազանդության ակցիաների կազմակերպման դժվարություններն ու հաղթանակի հասնելու որոշիչ հանգրվանները։ Ուղեցույց՝ հասկանալու զանգվածային շարժումների հոգեբանությունը, ժողովրդավարական արժեքների կայացումը և քաղաքացու իրական ուժը։ Հանդիպումը տեղի կունենա Որմնանկարների սրահում: