Երկօրյա արշավ Գեղամա լեռնաշղթայի ամենագեղեցիկ հատվածներով, լեռնային լճերով և 4+ գագաթների հաղթահարում: Օր 1 — Ակնա լիճ → Երեք Աղուսարեր Ամենագնացով ուղևորվում ենք Ակնա լիճ, որտեղից սկսում ենք քայլարշավը բարձրադիր լանդշաֆտներով դեպի Աղուսար, Արևելյան և Արևմտյան Աղուսարեր գագաթներ: Գիշերակացը Աժդահակի ստորոտին՝ վրաններում, երաժշտության և պարերի ներքո: Քայլարշավ՝ 10 կմ, հարաբերական բարձրություն՝ 600 մ: Օր 2 — Աժդահակ → Ծաղկաշեն Վերելք Աժդահակ լեռ (3597 մ), ապա վայրէջք արևելյան ժայռոտ լանջով դեպի Ծաղկաշեն գյուղ՝ լեռնային լճերի և Սևանի տեսարաններով: Քայլարշավ՝ 16 կմ, հարաբերական բարձրություն՝ 400 մ, վայրէջք՝ 1400 մ: Արժեքը ներառում է՝ ուղեփոխադրում, ուղեկցորդի ծառայություններ, վրան, կարիմատ և նախաճաշ վրանատեղիում: Անհրաժեշտ է՝ հարմարավետ տաք հագուստ, քնապարկ, անձրևանոց, արևապաշտպան միջոցներ, սնունդ և 1,5-2 լ ջուր: Հանդիպման վայրը՝ Երիտասարդական մետրոյի այգի (Ձեռքերի արձանի մոտ): Գրանցվելու կամ մինչև օգոստոսի 28-ը (12:00) չեղարկելու համար զանգահարել 077906677 կամ գրել էջին: Նշված ժամից ուշ չեղարկելու դեպքում անդամավճարը վճարվում է ամբողջությամբ: