Արցախյան 44-օրյա պատերազմից հետո Ստեփանակերտում բլոկադայի մեջ հայտնված արցախցի ընտանիքը հյուրընկալում է պատերազմի մասնակից զինվորին ու նրա հարազատներին: Հայրենիքի, հողի ու տան մասին երբեմն հակասող կարծիքներ ունեցող, բայց նույն հայրենասիրության շուրջ համախմբված վեց հերոսներին բարդ ճանապարհ է սպասվում՝ ինքնաճանաչման, հանդուրժողականության ու ի վերջո սիրո: Ներկայացման առանցքային ուղերձն է՝ չտարանջատել հային ապրելու վայրով, բարբառով ու տարածությամբ: Հայը մեկն է, հայի հայրենիքը՝ ողջ Հայաստանը: