Արևմտյան Հայաստան և Նեմրութ (5 օր)

Տպավորիչ, հագեցած և բովանդակալից հնգօրյա ուղևորության ընթացքում տեսնելու եք Նեմրութը, Վանը, Անին, Մուշը, Կարսը, Էրզրումը, Տիգրանակերտը, Դիարբեքիրը, Բինգյոլը, Բիթլիսը, Արածանին, Արաքսը, Եփրատը, Տիգրիսը և մի շարք այլ հրաշալի վայրեր: Այցի ընթացքում կտեսնեք Նեմրութի աստվածների սրբավայրը, կլողաք Վանա ծովում, կհամտեսեք Վանա տառեխ, կտեսնեք Հայոց լեռնաշխարհի գլխավոր գետերը, կայցելեք Արևմտյան Հայաստանի գրեթե բոլոր խոշոր քաղաքները, մեծ թվով լեգենդար բերդեր և նշանավոր վանքեր ու եկեղեցիներ: Ծրագիրը ներառում է այցելություններ Ծովակն Հյուսիսո լիճ, Անիի մայր տաճար և եկեղեցիներ, Դարոյնքի բերդ, Բերկրիի ջրվեժ, Մհերի դուռ, Վանի բերդ և Աղթամար կղզի: Կբարձրանաք Վանի Նեմրութը, կտեսնեք Բիթլիսի բերդն ու Փոռի խաչքարերը, կայցելեք Դիարբեքիրի Սուրբ Կիրակոս եկեղեցին և Տիգրիսի կամուրջը: Ուղևորությունը կշարունակվի դեպի Եփրատ գետ և Հին աստվածների սրբավայր Նեմրութ լեռը, Մուշի հին թաղամաս ու Սուլուխի կամուրջ: Վերջին օրը կայցելեք Էրզրումի Սանասարյան վարժարան, Բասենի Հովվի կամուրջը և Կարսի բերդն ու Սուրբ Առաքելոց եկեղեցին: Արժեքը ներառում է՝ 4 և 3 աստղանի հյուրանոցներ (երկտեղանի համարներ), բարձրակարգ տրանսպորտ, 2-անգամյա որակյալ սնունդ, պրոֆեսիոնալ գիդի ծառայություն (հայ թուրքագետներ), տեսարժան վայրերի մուտքի տոմսերը (բացի Անիից, Նեմրութից և Սուրբ Խաչից), Վանում նավարկության վճարը: Արժեքը չի ներառում վիզայի վճարը և Անիի, Սուրբ Խաչի ու Նեմրութի մուտքավճարները (մոտ 35 եվրո):