Առաջին հայկական սինթեզատորի հեղինակ Արտ Թադևոսյանը և Mad Sound Factory թիմը կներկայացնեն իրենց ստեղծած անալոգային, թվային ու հիբրիդային գործիքները, հանդես կգան կենդանի կատարումով և կպատմեն իրենց մոտեցումների մասին: Ծրագրում ներառված է նաև Sound Bank Workshop: Մասնակիցները կարող են բերել իրենց դաշտային ձայնագրությունները (field recordings) և թիմի օգնությամբ դրանք վերածել մինչև 12 օրիգինալ սեմփլ պարունակող անհատական Sound Bank քարտի: Գործիքների սահմանափակ քանակի պատճառով աշխատարանին ակտիվ մասնակցելու համար անհրաժեշտ է նախնական գրանցում: Չգրանցված այցելուները կարող են ազատ ներկա գտնվել որպես դիտորդ: Գործիքները բաց կլինեն փորձարկումների համար ինչպես միջոցառմանը, այնպես էլ NOPA փառատոնի ողջ ընթացքում: