Համշեն 3 օր

Համշենը բնության մեծագույն հրաշալիքներից է, միևնույն ժամանակ, Համշենն ու շրջակայքը հարուստ են բազմաթիվ պատմական կոթողներով՝ միջնադարյան բերդերով, հրաշալի եկեղեցիներով, տարբերվող կամուրջներով: Բաց մի՛ թողեք հնարավորությունը ոչ միայն վայելելու հեքիաթային բնությունն ու բացահայտելու տեղի յուրահատուկ պատմությունը, այլ նաև ծանոթանալու համշենյան ավանդույթներին և կենցաղին, հրաշալի տարազներին և երգերին: Միևնույն ժամանակ, կհամտեսեք համշենյան ուտեստներն ու կմասնակցեք թեյախմությանը: Օր 1 | Դրախտի դարպասները Մեկնում՝ Երևան-Գյումրի-Ախալքալաք-Կարծախ: Այցելություններ՝ Սև լիճ (Շավշատ), Տբետի վանք, Շավշատի բերդ, Ճորոխ գետի տեսարան: Ընթրիք և գիշերակաց Հոպայում: Անցնելով Բավրայով և Ջավախքով՝ մուտք կգործենք լեռնային Արդահան, որտեղից էլ կանցնենք անտառաշատ Շավշատի գավառ: Նախ ճամփա կբռնենք դեպի Սև լիճը, ապա կայցելենք Բագրատունիների կառուցած վեհաշուք տաճարներից Տբետը և տեղի հայտնի բերդը: Օր 2 | Դրախտը Այցելություններ՝ Զույգ կամուրջներ, Մանջունայի ջրվեժ (քայլարշավ մոտ 2 կմ), Ֆուրթունա գետի կիրճ, Չամլըհամշեն, Զիլ ամրոց, Բալահովտի ջրվեժ: Ճաշ՝ Համշենի ճաշատեսակներ և թեյախմություն: Այդերում ազատ ժամանակ, գիշերակաց Հոպայում: Օր 3 | Հեքիաթը Այցելություններ՝ Բորչկայի գավառակ, Դոլիսխանայի եկեղեցի, Դժոխքի ձոր (Արդանուջ), Արդահանի բերդ: Բորչկայի Սև լիճը հնարավոր է ավելացնել տուրին հավելավճարով՝ խմբի համաձայնության դեպքում: Գինը ներառում է՝ - 3+ աստղանի հյուրանոցներ - հարմարավետ տրանսպորտ - 2 անգամյա սնունդ - պրոֆեսիոնալ գիդի ծառայություն - բոլոր տեսարժան վայրերի մուտքի տոմսերը