Curatorial Conversation շարքի երրորդ հանդիպմանը Նաիրի Խաչատուրյանը և արվեստի համադրող Դիանա Սարդարյանը կքննարկեն մշակութային ինքնորոշման հարցերը «գլոբալ» աշխարհում: Զրույցի թեմաներն են՝ — Գիտելիքի արտադրությունը և դրա աղբյուրների կարևորությունը: — Օտարերկրյա արժեքների և գաղափարների ներդրումը տեղական համատեքստում: — Կոշտ և փափուկ ուժի ազդեցությունը մեր ինքնաընկալման վրա: — Ուսումնառությունը համաշխարհային մշակութային կենտրոններում և դրա ընձեռած հնարավորությունները սեփական միջավայրը վերաիմաստավորելու համար: — Առասպելների ստեղծումն ու Հայաստանի նոր նարատիվների կառուցման գործընթացը: Դիանա Սարդարյանը համադրող է, ով ներկայումս սովորում է Նյու Յորքի School of Visual Arts-ի Curatorial Practice մագիստրոսական ծրագրում: Նրա աշխատանքը կենտրոնացած է քիչ ներկայացված մշակույթների, հետգաղութային նարատիվների և արվեստի, դիզայնի ու տեխնոլոգիաների հատման կետերի վրա: Միջոցառման լեզուն՝ հայերեն: Մուտքն ազատ է՝ նախնական գրանցմամբ: