Պատկերացնենք մի այնպիսի այց, որի ժամանակ կարելի է տեսնել դրախտային Համշենը, սքանչելի Տայքը, հեքիաթային Տրապիզոնը, յուրահատուկ Արդահանը, չքնաղ Շավշատը, ինչպես նաև ժամանակ անցկացնել Սև ծովի ափին։ Մեր քառօրյա ծրագրով կտեսնեք Զիլ ամրոցն ու Այդերը, Մանջունայի և Բալահովտի ջրվեժները, գեղեցիկ կամուրջները, թավ անտառները, կվայելենք Շավշատի կանաչի երանգներն ու պատմական կոթողները, իսկ Տրապիզոնում էլ կծանոթանանք տեղի հայկական ու հունական հարուստ ժառանգությանը, այդ թվում՝ Սումելայի անկրկնելի վանքին։ Տայքում կայցելենք Թորթումի հզոր ջրվեժ, կտեսնեք զվարթնոցատիպ հրաշալիք Բանակի տաճարը։ Ծրագիր՝ Օր 1: Մեկնում՝ Երևան-Գյումրի-Ախալքալաք-Արդահան: Կանգառ Շավշատի Սև լճի ափին, Տբետի վանք, Շավշատի բերդ, Ճոխ Ճորոխ դիտակետ, ընթրիք և գիշերակաց Հոպայում: Օր 2: Զույգ կամուրջներ, քայլարշավ դեպի Մանջունայի ջրվեժ, Ֆուրթունա գետի կիրճ, Չամլըհամշեն, Զիլ ամրոց, Բալահովտի ջրվեժ: Այց Այդերի յայլա, համշենյան ուտեստների և թեյի համտես, ազատ ժամանակ: Օր 3: Տրապիզոնի Ամենափրկիչ հայկական վանք, Սբ Սոֆիայի տաճար, Սումելա վանք, ազատ ժամանակ Սև ծովի ափին: Օր 4: Թորթումի ջրվեժ, Բանակի տաճար, Օշկվանք, Արդահանի բերդ և Քուր գետ: Գինը ներառում է՝ - 3+ աստղանի հյուրանոց (երկտեղանի և երեքտեղանի համարներ) - Բարձրակարգ տրանսպորտ - 2 անգամյա որակյալ սնունդ (ընտրովի ճաշացանկով) - Պրոֆեսիոնալ գիդի ծառայություն (հայ թուրքագետ) - Տեսարժան վայրերի մուտքի տոմսերը (բացի Սումելայից) Գինը չի ներառում մուտքի վիզան և Սումելայի մուտքավճարը։