Գրքի երևանյան 9-րդ միջազգային փառատոնի շրջանակում բացվում է 1970-ականների հայ գրականության ամենաինքնատիպ հեղինակներից մեկի՝ Ռուբեն Ֆիլյանի ստեղծագործական միջավայրը վերականգնող ցուցադրությունը։ Առաջին անգամ հանրությանը կներկայացվեն գրողի անձնական արխիվի ձեռագրերը, լուսանկարները, իրերն ու արվեստի գործերը։ Երեկոյի ընթացքում տեղի կունենա նաև Ֆիլյանի «Քո երկրի դեսպանը» վեպի անգլերեն թարգմանության շնորհանդեսը, որը հրատարակվել է «ԱՐԻ» գրականության հիմնադրամի նախաձեռնությամբ։ Ցուցադրությունը կգործի մինչև սեպտեմբերի 20-ը։