Վերելք Գեղամա լեռնաշղթայի ամենաբարձր գագաթը՝ Աժդահակ (3597 մ)։ Երևանից կմեկնենք Գեղարդ գյուղ, որտեղից ԳԱԶ-52 բեռնատարով կշարունակենք ճանապարհը մինչև 3000 մետր բարձրություն։ Արշավը կսկսենք Կարմիր Կատարի խառնարանային գագաթից, ապա կբարձրանանք Աժդահակ, որի գագաթին գտնվում է խառնարանային լիճը։ Ճանապարհին կտեսնենք նաև Վանկի լիճը, հնագույն ժայռապատկերներ և վիշապաքարեր։ Երթուղու երկարությունը՝ 12 կմ Հարաբերական բարձրություն՝ 700 մ Անհրաժեշտ պարագաներ՝ Ուսապարկ, արշավային փայտեր, մեկօրյա սնունդ, ջուր (առնվազն 1,5 լ), անձնական դեղատուփ, արևային ակնոց, գլխարկ, տաք հագուստ, լապտեր, անձրևանոց, արևապաշտպան քսուք, սռնապաններ (gaiters), լողազգեստ։ Հագուստը պետք է լինի սպորտային և հարմարավետ, կոշիկները՝ ամուր տակդիրով (ցանկալի է ունենալ նաև փոխնորդ զույգ)։ Գրանցման համար զանգահարել 043 00 5165 հեռախոսահամարով կամ գրել Armenian Geographic-ի ֆեյսբուքյան էջին։ Առաջին անգամ միանալու դեպքում անհրաժեշտ է լրացնել հայտը՝ https://bit.ly/3Yhra9b։ Վճարումը կատարվում է «Արմգեո» ՍՊԸ-ի հաշվեհամարին (Ինեկոբանկ՝ 2052 0222 1888 1001)։ Գրանցումը հաստատելու համար անհրաժեշտ է վճարման անդորրագիրն ուղարկել կազմակերպչի մեսենջերին։ Չեղարկումը հնարավոր է մինչև միջոցառման նախորդ օրվա ժամը 12:00-ն։