Վահան Թոփչյան

Վահան Թոփչյանի անհատական ցուցահանդեսը, որը համադրել է Նազարեթ Կարոյանը: Գծանկարի միջոցով արվեստագետը փորձում է որսալ աննյութականն ու անորսալին՝ քամին, անդորրը կամ մարդկային տրամադրությունը՝ առանց դեմքեր ու բնապատկերներ պատկերելու: Նրա աշխատանքները բաղկացած են տասնյակ հազարավոր մանրագծերից, որոնք արտացոլում են ստեղծագործական պահին նրա մարմնի միկրոշարժումները՝ աչքերի կկոցումը, ձեռքի ցնցումը կամ նյարդերի լարվածությունը: Այս գործերում միահյուսվում են արդի արվեստի ձևաստեղծման տրամաբանությունն ու հեղինակի զգայական վերաբերմունքը սեփական մշակութային միջավայրի նկատմամբ: