Վարդգես Սուրենյանցի «Լքյալը» (1894) կտավը, ստեղծումից ավելի քան 130 տարի անց, առաջին անգամ ցուցադրվում է Հայաստանում՝ Աբիլխան Կաստեևի անվան Ղազախստանի արվեստի ազգային թանգարանից բացառիկ փոխառությամբ։ Առաջին անգամ մեկ հարթակում որպես եռապատում միավորվում են Սուրենյանցի երեք մոնումենտալ կտավները՝ «Լքյալը» (1894), «Ոտնահարված սրբություն» (1895) և «Ջարդից հետո» (1898)։ Կողք-կողքի կցուցադրվեն նաև «Լքյալը» կտավում պատկերված Սևանավանքի Սբ․ Առաքելոց եկեղեցու պատմական բնօրինակ դուռը և դրա գեղարվեստական պատկերը։ Ցուցադրությունում ընդգրկված են նաև Փանոս Թերլեմեզյանի, Սարգիս Խաչատուրյանի, Ժիրայր Օրագյանի, Մարիամ Ասլամազյանի, Արմինե Կալենցի և այլոց գործերը՝ ներկայացնելով հումանիստական մտածողության զարգացումը հայ արվեստում։ Համադրող՝ Վիգեն Գալստյան։ Ցուցահանդեսը կգործի մինչև 2027 թ․ փետրվարի 17-ը։