Արևմտյան Հայաստանն է կանչում, կանչում են մեր արմատները, կարոտը, հայրենիքը։ Մեզ են սպասում չքնաղ Անին, հզոր Կարսը, աննման Վանն ու հիասքանչ Աղթամարը, գեղեցիկ Բերկրին ու շատ-շատ ավելին։ Մեր հրաշալի եռօրյա ուղևորության ընթացքում կնավարկենք Վանա լճով և կտեսնենք Աղթամար կղզին ու Սբ Խաչ եկեղեցին, կանցնենք Մասիս լեռան լանջերով, կզովանանք Բերկրիի ջրվեժի, Ծովակն Հյուսիսո լճի և Արաքս գետի ջրերով, կբացահայտենք Կարս ու Վան քաղաքները, Բայազետի, Կարսի ու Վանի հզոր բերդերը, մի շարք այլ պատմական վայրեր։ Բացի այս ամենը, խմբի ցանկության դեպքում հնարավոր է ուղևորությանը հավելել Մուշը՝ տեսնելու Հին հայկական թաղն ու Սբ Մարինե եկեղեցին, Մշո դաշտը, Արածանի գետը, Սուլուխի կամուրջը, Բասենն ու Սարիղամիշը։ Ծրագիրն իրականացվում է պրոֆեսիոնալ գիդերի (պատմաբան-թուրքագետներ) ուղեկցությամբ, ովքեր տիրապետում են տեղի լեզվին։ Գինը ներառում է՝ 3+ աստղանի հյուրանոցներ (երկտեղանի համարներ), բարձրակարգ միկրոավտոբուս, 2 անգամյա որակյալ սնունդ, պրոֆեսիոնալ գիդի ծառայություն, տեսարժան վայրերի բոլոր մուտքավճարները, Վանում նավարկության վճարը: Գինը չի ներառում վիզայի արժեքը (ՀՀ քաղաքացիների համար՝ 17.000 դրամ)։