Ի՞նչ արժեք ունի կյանքը, երբ ժամանակը հաշված է։ Երբ հիվանդասենյակը դառնում է տուն, իսկ անծանոթ մարդիկ՝ ընտանիք, կյանքի ամեն օրը վերածվում է պայքարի, հույսի ու սիրո պատմության։ Հիվանդանոցի մի բաժանմունքում հավաքվել են երիտասարդներ, որոնց ճակատագիրը նույնն է, բայց պատմությունները՝ տարբեր։ Նրանք գիտեն, որ ժամանակը քիչ է, սակայն շարունակում են սիրել ու ատել, կատակել ու վիճել, հաշտվել, հիասթափվել ու երազել։ Այստեղ ծիծաղը հաճախ հաջորդում է արցունքներին, իսկ ամենահուսահատ պահին ծնվում է ապրելու ամենամեծ ցանկությունը։ Մարո Մադոյան-Ալաջաջյանի «Ապրիր, քանի դեռ ապրում ես...» դրաման պատմություն է այն կյանքի մասին, որն ամենաարժեքավորն է դառնում, երբ թվում է՝ ժամանակն այլևս չի սպասում։ • Դրամա մեկ գործողությամբ • Հեղինակ՝ Մարո Մադոյան-Ալաջաջյան • Բեմադրությունը և երաժշտական ձևավորումը՝ Հակոբ Ղազանչյանի • Երաժշտությունը՝ Վաչե Շարաֆյանի • Գեղարվեստական ղեկավար՝ Հակոբ Ղազանչյան