Ի՞նչ է նշանակում «հոգ տանել» բնության մասին: Բրյուսելում բնակվող արվեստագետներ Կոնստանտ Լեոն և Թամամ Համզան ուսումնասիրում են Երևանի բուսաբանական այգու պատմությունն ու վերափոխումը՝ գիտնականների, արվեստագետների և այցելուների ձայների, ինչպես նաև դաշտային ձայնագրությունների ու ձայնային ստեղծագործությունների միջոցով: Ինստալյացիան հարց է բարձրացնում՝ ո՞ւմ տրամաբանությունն է ձևավորում այգին, և ի՞նչ կարող է տեղի ունենալ, եթե բնությունը կազմակերպելու փոխարեն լսենք, թե ինչպես է այն ինքնակազմակերպվում: