Ոգեշնչվելով երկկենցաղների թափանցիկ ու ներթափանցելի մաշկից՝ աշխատարանն ուսումնասիրում է դաշտային ձայնագրությունն ու լսելու պրակտիկաները որպես ծակոտկեն դառնալու ձևեր, որտեղ ես-ի և աշխարհի սահմանները տարրալուծվում են շարունակական փոխանակման մեջ: Ծրագրում ընդգրկված են միկրոֆոնային տեխնոլոգիաներ, դաշտային ձայնագրության հնարքներ, լսելու տարբեր դիրքավորումներ և բիոակուստիկ փորձարկումներ՝ բնության, կենդանիների ու երկրաբանական միջավայրերի հետ մեր կապը վերաիմաստավորելու համար։ Վարող՝ Պաբլո «Ռանա» Դիզերենս (Pablo 'Rana' Diserens) — դաշտային ձայնագրող արվեստագետ, որի գործունեությունը կենտրոնացած է ոչ մարդկային իրողությունների և միջտեսակային համակեցության վրա։ Աշխատարանի լեզուն՝ անգլերեն։