Հավաքվում ենք Մեդինայում՝ ցերեկը ռիթմով լցնելու, իսկ երեկոն՝ լինելու ենք խարույկի շուրջ։ Սկսում ենք հավաքվել 4:30-ից։ Շուտ եկեք, ծանոթացեք, ուտել, խմելու բան վերցրեք ու տեղավորվեք։ 5:30-ին սկսում ենք թմբուկների շրջանը։ Երաժիշտ լինել կամ նվագել իմանալ պարտադիր չի։ Սկզբում գուցե փորձեք որսալ ռիթմը, բայց շատ արագ ռիթմն ու կրկնությունը կկլանի ձեզ, կսկսենք լսել իրար, ու շրջանը կդառնա մի ամբողջություն։ Նվագելու ենք մոտ երկու ժամ։ Արևամուտի կողմերը թմբուկների շրջանը կավարտվի, ու կվառենք խարույկը։ Կրակի մեջ կգնա կարտոֆիլը, եգիպտացորենը ու կմիանա երաժշտությունը։ Բերեք կիթառ, պերկուսիա, ձեր ձայնը կամ ինչի վրա նվագում եք։ Ջեմ կանենք, կերգենք կամ պարզապես կհավաքվենք խարույկի շուրջ։ Գալու համար ընդհանրապես պարտադիր չէ որևէ բան նվագել։ Կարող եք պարզապես լսել, ուտել, շփվել կամ ուղղակի նստել խարույկի մոտ, անցկացնել երեկոն մեզ հետ։ Այն ամենը, ինչ մատուցելու ենք, ներառված է տոմսի գնի մեջ։ Եթե ալկոհոլային բան եք ուզում, կարող եք բերել ձեզ հետ։