Կինոդպրոց Մարթա Վիոլանտեի հետ

Դեբետի և հարակից բնակավայրերի դեռահասների համար մեկնարկում է ավանդական կինոաշխատարանը, որը կվարի իտալուհի ռեժիսոր և մանկավարժ Մարթա Վիոլանտեն։ Մարթա Վիոլանտեն «La Bandita» կինոգործիչների կոլեկտիվի անդամ է։ Նա ուսանել է Վալենսիայի համալսարանում, աշխատել է Մեքսիկայում և հեղինակել է մի շարք վավերագրական ֆիլմեր, այդ թվում՝ «Africa Bianca» կարճամետրաժը, որն արժանացել է «Ծիրանի ծառ» ՄԿՓ-ի մրցանակին։ Մասնակցության համար անհրաժեշտ է գրանցվել՝ գրելով [email protected] էլեկտրոնային հասցեին կամ դիմելով Դեբետի գյուղապետարան։