Վալերի Բրյուսովի կազմած «Հայաստանի պոեզիան» անթոլոգիայի հրատարակության 110-ամյակին նվիրված ցուցադրություն: 1916 թվականին լույս տեսած ժողովածուի շապիկի ձևավորումը վստահվել էր Մարտիրոս Սարյանին, ով ոգեշնչվել էր 11-րդ դարի Մուղնու Ավետարանի խորաններից: Վալերի Բրյուսովի անվան պետական համալսարանում անցկացվող «Բրյուսովյան ընթերցումներ» 2026 միջազգային գիտաժողովի շրջանակում կազմակերպված ցուցադրությանը ներկայացված են Հայաստանի ազգային պատկերասրահում պահվող՝ Մ. Սարյանի ստեղծած էսքիզը և Վ. Բրյուսովի թանգարանի 1916 թվականի հրատարակությունը: Բացմանը կմասնակցեն նաև Երևանի գեղարվեստի պետական ակադեմիայի ուսանողները՝ առաջարկելով անթոլոգիայի շապիկի սեփական պատկերազարդումները: Մուտքը՝ թանգարանի տոմսով: