Զրույց Արլեն Ավագյանի և Այշե Գյուլ Ալթընայի հետ՝ Դիանա Քեշոյան-Շանցի մոդերատորությամբ: 14 տարեկանում Արլեն Ավագյանը խոստացել էր 1915 թվականը վերապրած իր տատիկին նրա պատմությունը պատմել աշխարհին: 53 տարեկանում նա հրատարակեց «Առյուծ կնոջ ժառանգությունը» (1992)՝ ամերիկահայ կնոջ առաջին հուշագրությունը և առաջին պատմությունը հայ լեսբուհու քամինգ աութի մասին: Տարիներ անց մարդաբան և էկոֆեմինիստ ակտիվիստ Այշե Գյուլ Ալթընայը հրավիրեց Ավագյանին Ստամբուլ՝ Հրանտ Դինքի անվան գիտաժողովին, որտեղ Ավագյանը հանդիպեց նաև «Իմ տատիկը» գրքի հեղինակ Ֆեթհիյե Չեթինին: Երեքով նրանք վերջերս ավարտել են «Կյանքերի արտացոլում. Զրույցներ ֆեմինիզմի, ռասիզմի և ցեղասպանության մասին» գիրքը: Քննարկումը կանդրադառնա ինքնակենսագրական տեքստերի դերին անցյալն ու ներկան հասկանալու գործում, ինչպես նաև ֆեմինիստական համերաշխությանը՝ ազգայնականության և պատրիարքության սահմաններից այն կողմ: Հանդիպման լեզուն՝ անգլերեն: