«Ֆեմտեսություն» շարքի հանդիպմանը ազգագրագետ, ԵՊՀ դասախոս, Ազգագրական և մարդաբանական հետազոտությունների լաբորատորիայի գիտական աշխատող Ռուզաննա Ծատուրյանը կներկայացնի իր հետազոտությունը 1990-ականների էներգետիկ ճգնաժամի և առօրյա կյանքի փոխակերպումների մասին: Քննարկման թեմաները՝ - Ինչպե՞ս էր ճգնաժամը սրել սոցիալական ֆրագմենտացիան՝ առաջացնելով արտոնյալների ու իշխանության նոր խմբեր ու դինամիկա - Ինչպե՞ս էին կանայք կազմակերպում ընտանիքի առօրյան էլեկտրաէներգիայի, ջեռուցման և այլ ռեսուրսների խիստ սահմանափակ պայմաններում - Ի՞նչ նոր հմտություններ, հնարքներ և առօրյա ռազմավարություններ էին ձևավորվում ճգնաժամը հաղթահարելու համար - Ինչպե՞ս էին փոխվում մարդկանց միջև հարաբերությունները, փոխօգնության ձևերը և սոցիալական տարբերությունները - Ինչպե՞ս էին ինքնակազմակերպումն ու ստեղծարար լուծումները դառնում ոչ միայն գոյատևման միջոց, այլև նոր առօրյա փորձառությունների ու մշակութային պրակտիկաների ձևավորման հիմք Մասնակցությունն անվճար է՝ նախնական գրանցմամբ: