Արևմտյան Հայաստանն է կանչում, կանչում են մեր արմատները, կարոտը, հայրենիքը։ Մեզ են սպասում չքնաղ Անին, հզոր Կարսը, աննման Վանն ու հիասքանչ Աղթամարը, գեղեցիկ Բերկրին ու շատ-շատ ավելին։ Մեր հրաշալի եռօրյա ուղևորության ընթացքում կնավարկենք Վանա լճով և կտեսնենք Աղթամար կղզին ու Սբ Խաչ եկեղեցին, կանցնենք Մասիս լեռան լանջերով, կզովանանք Բերկրիի ջրվեժի, Ծովակն Հյուսիսո լճի և Արաքս գետի ջրերով, կբացահայտենք Կարս ու Վան քաղաքները, Բայազետի, Կարսի ու Վանի հզոր բերդերը։ Խմբի ցանկության դեպքում հնարավոր է ուղևորությանը հավելել Մուշը՝ տեսնելու Հին հայկական թաղն ու Սբ Մարինե եկեղեցին, Մշո դաշտը, Արածանի գետը, Սուլուխի կամուրջը, Բասենն ու Սարիղամիշը։ Ծրագիրը ներառում է. Օր 1. Ծովակն Հյուսիսո լիճ, Անի (Մայր Տաճար, Սուրբ Փրկիչ, Աբուղամրենց և այլն), Արաքս գետ, Մասիս լեռան լանջեր, Բայազետի բերդ: Օր 2. Բերկրիի ջրվեժ, Մհերի դուռ և Ագռավաքար, Վանա կատուների բուծարան, Վանի բերդ և ուրարտական արքաների դամբարան, Աղթամար կղզի, Սուրբ Խաչ եկեղեցի, լող Վանա լճում: Օր 3. Խմբի համաձայնությամբ և հավելավճարով՝ Մուշ, Բասեն, Սարիղամիշ։ Կարսի բերդ, Վարդանի կամուրջ, Առաքելոց եկեղեցի, Չարենցի տուն: Գինը ներառում է 3+ աստղանի հյուրանոցները (երկտեղանի համարներ), բարձրակարգ միկրոավտոբուսը, 2-անգամյա որակյալ սնունդը, պրոֆեսիոնալ գիդի ծառայությունը, տեսարժան վայրերի բոլոր մուտքավճարները և Վանում նավարկության վճարը։ Գինը չի ներառում վիզայի վճարը։