ՀԱՅԱՍՏԱՆԻ ՊԵՏԱԿԱՆ ՍԻՄՖՈՆԻԿ ՆՎԱԳԱԽՈՒՄԲ ԳԵՂԱՐՎԵՍՏԱԿԱՆ ՂԵԿԱՎԱՐ ԵՎ ԳԼԽԱՎՈՐ ԴԻՐԻԺՈՐ՝ ՍԵՐԳԵՅ ՍՄԲԱՏՅԱՆ Հայրենիքում և արտերկրում մեծ հեղինակություն վայելող Հայաստանի պետական սիմֆոնիկ նվագախումբը ստեղծվել է երաժշտության միջոցով հոգևոր վերելքի ձգտման և հայկական երաժշտական ավանդույթների պահպանման նպատակների շուրջ միավորված մի խումբ դասական երաժշտության նվիրյալների ուժերով։ Իր հստակ ու նրբագեղ հնչողությամբ, ինչպես նաև ազդեցիկ կատարողական ոճով ճանաչված նվագախումբը սպասված հյուր է աշխարհի բազմաթիվ առաջատար համերգասրահներում։