Զբոսավարության 4-ամսյա դասընթացի առաջին անվճար դասը, որի ընթացքում կներկայացվի ծրագիրը, կքննարկվեն կազմակերպչական հարցերը և հնարավոր կլինի ծանոթանալ դասավանդող մասնագետների հետ: Դասընթացը տևելու է 4 ամիս (հոկտեմբերի 15 – փետրվարի 15)՝ ներառելով երեկոյան տեսական պարապմունքներ և հանգստյան օրերին անցկացվող գործնական դասեր: Տեսական հանդիպումները հայերենով են՝ շաբաթական 3 օր, 1.5–2 ժամ տևողությամբ (ընդհանուր 48 հանդիպում): Դասավանդվող առարկաները. - Հայաստանի աշխարհագրություն - Հայոց պատմություն - Հայկական մշակույթ (ճարտարապետության, արվեստի, կրոնի և եկեղեցու պատմություն) - Զբոսավարության հիմունքներ (զբոսավարի էթիկա, հաղորդակցման հմտություններ) - Հայ ազգագրություն - Հայոց տոներ, խոհանոց - Առաջին օգնություն Գործնական դասերը ներառում են քաղաքային զբոսանքներ, թանգարանային այցելություններ և տուրեր մասնագետների հետ: Տրամադրվում են էլեկտրոնային նյութեր և գրականություն: Ավարտողները կստանան հավաստագիր, իսկ լավագույնները կապահովվեն աշխատանքով: Արժեքը՝ 37,000 դրամ ամսական: Մանրամասների համար՝ 095 122 771