«Հոսուն բանականություն․ ջրի էկոլոգիա» ցուցահանդեսի ուղեկցող ցուցադրության բացումը։ Ներկայացված են Հայաստանի գեղարվեստի պետական ակադեմիայի և Ռեյնի արվեստի բարձրագույն դպրոցի (HEAR) ուսանողների ու դասախոսների աշխատանքները, որոնք ստեղծվել են 2025 թվականից շարունակվող փոխանակման ծրագրի շրջանակում։ Ցուցադրությունը Ֆրանսիայի ինստիտուտի աջակցությամբ իրականացվող՝ COP17 Հայաստանի «Անտառներից, գետերից և լեռներից» արվեստային ծրագրի մասն է։