Միջոլորտային ներառական ներկայացում՝ հիմնված Անտուան դը Սենտ-Էքզյուպերիի հայտնի ստեղծագործության վրա: Բեմադրությունը միավորում է արվեստի տարբեր ձևեր և ստեղծում ընդհանուր տարածք, որտեղ հաշմանդամություն ունեցող և չունեցող արտիստներն ու հանդիսատեսը միասին վերապրում են հարաբերությունների, սիրո, պատասխանատվության և բարեկամության պատմությունը: Մատչելիությունն ապահովվում է քառակողմ ձայնային համակարգով և կինետիկ ավազի վրա տեղադրված վիբրացիոն նստատեղերով, ինչը հնարավորություն է տալիս երաժշտությունը զգալ մարմնով: Կինետիկ ավազով տարածքի համար խորհուրդ է տրվում հարմարավետ հագուստ և կոշիկ: Ներկայացումից առաջ նախատեսվում է շոշափելի հատուկ շրջայց մութ սենյակում՝ դերասանների ուղեկցությամբ, որի ընթացքում կարելի է շոշափելով ծանոթանալ բեմական առարկաներին և զգեստներին: Տևողություն՝ 1 ժամ Լեզու՝ հայերեն Ենթագրեր՝ անգլերեն Տարիքային սահմանափակում՝ 14+ Ժամանում՝ 19:30–19:45 Գրանցում՝ https://forms.gle/VtMeAjuyrMFwBGKo9