Աննա Ֆրանցի պերֆորմանսը CYFEST 17-ի բացման ծրագրի շրջանակում՝ Շարժասանդուղքների սրահում։ Մինչ մեքենաները վարում են իրենց սեփական երկխոսությունը, երկու կատարող հետևում են Անատոլի և Միրո ռոբոտներին ու նրանց միջև տեղադրված ակվարիումի ձկանը։ Նրանք գրի են առնում իրենց դիտարկումները, ջնջում գրածը և նորից սկսում։ Պերֆորմանսում ձևավորվում է դիտարկման երեք մակարդակ. մեքենաները դիտարկում են միմյանց և փոխազդում իրար հետ, կատարողները հետևում են ռոբոտներին ու ձկանը, իսկ հանդիսատեսը դիտում է կատարողներին, մեքենաներին և դիտարկման ամբողջ գործընթացը։ Ի տարբերություն մեքենաների երկխոսության՝ մարդկանց գրառումներն անհետանում են՝ տեղը զիջելով նորերին։ Պերֆորմանսը դառնում է «Սևեռուն դիտարկում» (Obsessive Observation) նախագծի ևս մեկ դրվագ, որտեղ դիտարկողն ինքն է դառնում դիտարկման օբյեկտ։