Հայաստանի պատմության մեջ առաջին անգամ լույս է տեսել Կարլ Ֆլեշի ջութակի ամենահայտնի և պահանջված մեթոդական ձեռնարկներից մեկի՝ «Ջութակ նվագելու արվեստը» գրքի հայերեն թարգմանությունը։ Կարլ Ֆլեշի «Ջութակ նվագելու արվեստը» գրքի նոր հրատարակությունը համախմբագրել են Մաքսիմիլիան Սիմոնը և Նադին Կոնտինին։ Գրքի հայերեն տարբերակը հրատարակվել է Բեռլինի Ries & Erler հրատարակչության հետ կնքված արտոնագրված պայմանագրի համաձայն։ Նախագիծը նախաձեռնվել և իրականացվել է Primavera բարեգործական հիմնադրամի կողմից՝ Հայաստանի ազգային ֆիլհարմոնիկ նվագախմբի (գեղարվեստական ղեկավար և գլխավոր դիրիժոր՝ Էդուարդ Թոփչյան) հետ համատեղ` «Ամարյան» բարեգործական հիմնադրամի, Apricot Capital-ի և Balchug Capital-ի գործուն աջակցությամբ։ Գրքի շնորհանդեսին հաջորդող «Ջութակ նվագելու արվեստը» խորագիրը կրող համերգը տեղի կունենա դեկտեմբերի 24-ին, ժամը 19:00-ին՝ Արամ Խաչատրյան համերգասրահում: Համերգին Հայաստանի ազգային ֆիլհարմոնիկ նվագախմբի հետ ելույթ կունենան հայ և միջազգային ճանաչում ունեցող ջութակահարներ՝ Մաքսիմիլիան Սիմոնը և Արամ Բադալյանը՝ մաեստրո Էդուարդ Թոփչյանի ղեկավարությամբ։ Երեկոյի ծրագրում ընդգրկված են Գլինկայի՝ «Ռուսլան և Լյուդմիլա» օպերայի նախերգանքը, Կորնգոլդի Ջութակի կոնցर्टը և Բրուխի թիվ 1 Ջութակի կոնցերտը: