Ոչ նյութական մշակութային ժառանգության միջազգային օրվան ընդառաջ՝ ՀՀ ժողովրդական արտիստ, Պետական մրցանակի դափնեկիր դաշնակահար Սվետլանա Նավասարդյանի մենահամերգը: Մամուլը նրան անվանել է «մոգական», երաժշտական աշխարհը՝ «դաշնամուրային հրաբուխ», իսկ քննադատությունը՝ «խորհրդանիշ ընդվզումի, որ դեմ է այն ամենին, ինչը արվեստում առօրեականություն ու կանխատեսելիություն է մարմնավորում»: Շումանի, Բախի, Եղիսաբեթ թագուհու անվան և Սիդնեի միջազգային մրցույթների դափնեկիր է, ելույթներ է ունեցել աշխարհի ավելի քան 50 երկրում և համագործակցել այնպիսի անվանի երաժիշտների հետ, ինչպիսիք են Եվգենի Սվետլանովը, Վալերի Գերգիևը, Վլադիմիր Սպիվակովը, Էլիսո Վիրսալաձեն և Եվգենի Կիսինը: Հարցերի դեպքում՝ 011 570 570