5 կմ երկարությամբ հեշտ արշավ Ազատի ջրամբարի շուրջ՝ վայելելու մայրամուտը, Երանոս լեռան ու ջրամբարի բնապատկերները, Արարատն ու հայկական որորներին։ Արշավի ավարտին կլինի դադար խարույկի շուրջ, որից հետո՝ վերադարձ Երևան։ Հանդիպման վայրը՝ Սախարովի հրապարակ (նախկին հրշեջ կայանի մոտ՝ Նալբանդյան-Պուշկին անկյունում)։ Խնդրում ենք ժամանել 10 րոպե շուտ։ Վերադարձը՝ ժամը 20:15-ին։ Արժեքը ներառում է տրանսպորտի և ուղեկցորդի ծառայությունները։ Անհրաժեշտ պարագաներ․ - Հարմար արշավային հագուստ (շերտավոր) և արշավային կոշիկներ (ցանկալի է ոչ կտորից) - Արևային ակնոց, արևապաշտպան քսուք, գլխարկ, թեթև բաճկոն - Երկրորդ զույգ կոշիկ (մեքենայում թողնելու համար) - 1 օրվա սնունդ և ջուր (բրդուճներ, միրգ, բանջարեղեն, չիր, ընդեղեն՝ բազմակի օգտագործման տարաներով) Մասնակցությունը հաստատելու համար անհրաժեշտ է․ 1. Զանգահարել 094 274 654 հեռախոսահամարով կամ գրել կազմակերպչին: 2. Առաջին անգամ միանալու դեպքում լրացնել համաձայնագիրը: 3. Կատարել փոխանցում բանկային հաշվին (ստացող՝ Աստղիկ Հարությունյան) և ուղարկել կտրոնը: Գրանցումից հետո կարող եք հրաժարվել մինչև արշավի նախորդ օրվա ժամը 10:00-ն: Դրանից հետո հրաժարվելու կամ ուշանալու դեպքում գումարը չի վերադարձվում: