Ժամանակավոր ցուցադրություն՝ նվիրված Շուշանիկ Կուրղինյանի 150-ամյակին։ Թանգարանի հարուստ արխիվի վրա հիմնված այս ցուցադրությունը ներկայացնում է սոցիալական անհավասարության դեմ պայքարող գրողին, կանանց ազատագրման գաղափարների նվիրյալին, ով հիմնովին փոխեց կնոջ ավանդական կերպարը հայ գրականության մեջ։ Արխիվային վավերագրերի, լուսանկարների և անտիպ ձեռագրերի միջոցով բացվում է բանաստեղծուհու հարուստ ներաշխարհը, ինչպես նաև նրա և ամուսնու՝ Արշակ Կուրղինյանի անտիպ սիրային նամակագրությունը։ Ցուցադրությունն ամփոփվում է Շուշան Ավագյանի աշխատասիրությամբ լույս տեսած «Ապրել եմ ուզում» հայերեն-անգլերեն ժողովածուով։ Համադրող՝ Մարինե Հարոյան Հարցերի դեպքում՝ 010 56 36 41