Կոմիքսների հեղինակ և նկարազարդող Շերի Դոմինգոյի հանրային դասախոսությունը «Աստղային ձայներ» ծրագրի շրջանակում։ Ինչպե՞ս կարող են կոմիքսները տեսանելի դարձնել ձայները, խոսքը կամ լռությունը։ Ինչպե՞ս կարելի է նկարչության միջոցով պատմել հիշողությունների, վայրերի և մթնոլորտների մասին։ Եվ ի՞նչ նոր պատմողական ձևեր են ի հայտ գալիս, երբ կոմիքսը միահյուսվում է դաշտային հետազոտության և ձայնային արվեստի հետ։ Շերի Դոմինգոն կներկայացնի իր միջազգային գործունեությունը որպես կոմիքսների հեղինակ, նկարազարդող և աշխատարանների վարող։ Նա կխոսի իր ընտրված նախագծերի մասին, կանդրադառնա վիզուալ պատմություններին և ցույց կտա, թե ինչպես կարող են կոմիքսները հասանելի ու ընկալելի դարձնել բարդ անձնական, սոցիալական և մշակութային փորձառությունները։ Դասախոսությունը նախատեսված է ուսանողների, արվեստագետների, դպրոցականների և թեմայով հետաքրքրվողների համար։