Սամվել Մովսիսյանի դասախոսությունը՝ «Հյուսիսային Վերածնունդ. Միջնադարի և Նոր ժամանակների միջև»: XV դարը Նիդերլանդների համար դարձավ քաղաքական, տնտեսական և հոգևոր խորը վերափոխումների դարաշրջան։ Բուրգունդյան դինաստիայի իշխանության ներքո հողերի միավորումը, առևտրային քաղաքների ծաղկումը և հասարակության կրոնական գիտակցության փոփոխությունները պայմաններ ստեղծեցին գեղարվեստական նոր լեզվի՝ Հյուսիսային Վերածննդի ձևավորման համար։ Դասախոսության ընթացքում կհետևենք, թե ինչպես են բուրգունդյան դքսերի հավակնությունները, քաղաքների հարստությունը և դարաշրջանի հոգևոր որոնումներն ազդել արվեստի զարգացման վրա։ Կխոսենք նկարիչների, ստեղծագործությունների և գաղափարների մասին, որոնք փոխեցին եվրոպացիների պատկերացումներն աշխարհի վերաբերյալ, ինչպես նաև XVI դարի կրոնական ցնցումների մասին, որոնք կանխորոշեցին նիդերլանդական արվեստի հետագա ճակատագիրը։