Հրաչյա Աճառյանի 150-ամյակին նվիրված «Պատում մեկ իրի» մեկօրյա ցուցադրությունը կներկայացնի նրա հեղինակած «Հայերեն արմատական բառարանը»։ ՀՀ Կենտրոնական բանկը թանգարանին կնվիրաբերի լեզվաբանի ծննդյան 150-ամյակին նվիրված արծաթե հուշադրամը։ Հուշադրամի դիմերեսին պատկերված է բառարանի շապիկը և Աճառյանի ձեռագրից հատված (էսքիզի հեղինակ՝ Հարություն Սամուելյան), իսկ դարձերեսին՝ Աճառյանի գրաֆիկական դիմապատկերը և ստորագրությունը (հեղինակ՝ նրա ծոռնուհի Անի Աճառյան)։ Հուշադրամը հատվել է Նիդերլանդների արքայական դրամահատարանում։ Հրաչյա Աճառյանի ծննդյան 150-ամյակն ընդգրկված է ՅՈՒՆԵՍԿՕ-ի՝ Հռչակավոր մարդկանց և կարևոր իրադարձությունների հոբելյանների 2026–2027թթ. օրացույցում: Հարցերի դեպքում՝ 010 56 36 41