Մանկապատանեկան «Արցախի բալիկներ» համույթը ներկայացնում է հատուկ ծրագիր՝ նվիրված մեծանուն կոմպոզիտոր Առնո Բաբաջանյանի ծննդյան 105-ամյակին: Հոբելյանական երեկոյի ընթացքում արցախցի պատանիները հայերեն և ռուսերեն կկատարեն կոմպոզիտորի հանրահայտ ստեղծագործությունները, որոնցից մի քանիսը կհնչեն նոր մեկնաբանությամբ: Համույթի ելույթները կուղեկցվեն նաև պարային համարներով և երիտասարդական տրիոյի կատարումներով: Գեղարվեստական ղեկավար՝ Գայանե Հարությունյան: