hosq-ի և Երևանի Կոմիտասի անվան պետական կոնսերվատորիայի 8-ամսյա կրթական ծրագրի ներկայացում և հայտադիմումների բաց կանչի մեկնարկ: Ծրագիրը ներառում է երաժշտական պրոդյուսինգ, ձայնագրություն, միքսինգ և սեփական պորտֆոլիոյի ստեղծում՝ համադրելով նախագծային ուսուցումը, տեխնոլոգիաները, արվեստի պրակտիկաները և շուկա մուտք գործելու հնարավորությունները: Նախատեսված է աշխատանք նորագույն ստուդիայում, համագործակցություն Ableton ու Arturia գլոբալ բրենդների հետ, ինչպես նաև ելույթներ և B2B հանդիպումներ լեյբլների, ստուդիաների ու game dev ոլորտի ներկայացուցիչների հետ: Ծրագրի մոտեցումն ու կառուցվածքը կներկայացնի թիմը՝ Անդրիեշ Գանդրաբուրը, Շահեն Խանդկարյանը (Shhau), Էլիզա Բաղդիյանը, Լուսինե ՄԼՔԵ-Գալստյանը և Սերգեյ Ումրոյանը: Կարող են դիմել ինչպես կոնսերվատորիայի ուսանողները, այնպես էլ արտաքին դիմորդները: Հասանելի է 15 տեղ՝ 12 լրիվ ֆինանսավորվող կրթաթոշակ hosq-ի կողմից և 3 վճարովի տեղ: Հանդիպման ընթացքում կներկայացվի նաև կազմակերպությունների միջև համագործակցության հուշագիրը: Լեզուներ՝ հայերեն, ռուսերեն: Վայրը՝ 3-րդ հարկ: