Արտ-մեդիացիա «Մարդկության դեմքը․ Վարդգես Սուրենյանցի «Լքվածը» և հումանիստական արվեստը» ցուցահանդեսում։ Առանցքային թեման հումանիզմն է՝ դրա դրսևորումները և նշանակությունը։ Կքննարկենք, թե ինչպես է հումանիզմն արտահայտվել տարբեր դարաշրջաններում, և ինչպես է մարդը աստիճանաբար ձեռք բերել ազատություն, անհատականություն և իրավունքներ։ Կանդրադառնանք նաև մեդալի հակառակ կողմին՝ հումանիստական իդեալների փլուզմանն ու մարդկանց և ժողովուրդների ճակատագրերի խեղաթյուրմանը, ինչի մասին են վկայում ցուցահանդեսում ներկայացված Վարդգես Սուրենյանցի երեք գլուխգործոցները։ Ցուցահանդեսի առանցքային աշխատանքը՝ 1894 թվականին ստեղծված «Լքվածը», առաջին անգամ ցուցադրվել է Պերեդվիժնիկների 22-րդ ցուցահանդեսում, իսկ ստեղծումից 130 տարի անց Ղազախստանից բերվել է Երևան։ Հատուկ մշակված երթուղու շրջանակում կդիտարկենք ընտրված ստեղծագործություններ, կքննարկենք դրանք հարցերի միջոցով և ինքնուրույն կբացահայտենք դրանց իմաստներն ու ուղերձները։ Կտրամադրվի նաև «հումանիստական բառարան»՝ արվեստի գործերն ավելի խորությամբ ընկալելու և մեկնաբանելու համար։ Լեզուն՝ հայերեն Տևողությունը՝ 1 ժամ 30 րոպե Մասնակիցների քանակը՝ 10 հոգի Մուտքավճարը ներառում է թանգարանի տոմսը։ Մասնակցությունը՝ նախնական գրանցմամբ և կանխավճարով։ Գրանցվելու համար գրեք կազմակերպչի Instagram-ին։