Բագրատ Արազյանի «Լռություն» խորագրով անհատական ցուցահանդեսի բացումը։ Նախագիծը բաղկացած է տասներեք աշխատանքից՝ հիմնականում հեղինակային լուսանկարներ թվային մշակմամբ։ Իրական մոտիվների և գրաֆիկական միջամտությունների համադրությամբ երկխոսություն է հաստատվում ֆոնի և ընտրված օբյեկտների միջև, որոնք դառնում են կոմպոզիցիայի անբաժան մասն ու իմաստավորում այն՝ ձեռք բերելով տրանսցենդենտալ արժեք։ Բագրատ Արազյանը բազմաոլորտ արվեստագետ է, համադրող, գրաֆիկ դիզայներ, երաժիշտ և փիլիսոփա, ով 2015 թվականից ապրում և ստեղծագործում է Սլովենիայում, ինչպես նաև հանդիսանում է «Պիվկա» ժամանակակից արվեստի կենտրոնի համաղեկավարն ու համադրողը։ Ցուցահանդեսը կգործի մինչև հոկտեմբերի 25-ը։