Աշնանային քայլարշավ Լոռվա մարզում՝ Լորուտ գյուղից դեպի Մարց: Լորուտից թեթև վերելքով կբարձրանանք Գուգարաց լեռնաշղթայի անտառապատ լանջերը, կանցնենք Խանձրուտ (1847 մ) և Նավասար (1763 մ) գագաթներով ու խոր անտառի մեջ գտնվող «Ճգնավորի թալա» բացատում կտեսնենք 13-րդ դարի Մարցի Ամենափրկիչ հոյակերտ խաչքարը (վարպետ՝ Վարհամ): Երթուղու մանրամասները. • Երկարությունը՝ 13,5 կմ • Հարաբերական բարձրությունը՝ 400 մ • Տրանսպորտը՝ միկրոավտոբուս (15–20 տեղ) • Արժեքը ներառում է տրանսպորտի և ուղեկցորդի ծախսերը Մեկնարկը՝ Սախարովի հրապարակից: Անհրաժեշտ պարագաներ՝ արշավային հաստ տակացուով կոշիկներ, հարմարավետ մարզական հագուստ, անձրևանոց / թիկնոց, արևապաշտպան քսուք և գլխարկ, ուսապարկ, մեկօրյա սնունդ, ջուր, լապտեր: Գրանցման համար զանգահարել՝ 091 321252 (Դավիթ կամ Նարինե): Գրանցումը չեղարկել կարելի է մինչև ուրբաթ օրվա ժամը 24:00-ն: Շաբաթ օրը հրաժարվելու դեպքում մասնակցության գումարը վճարվում է ամբողջությամբ: