«Միքայել Հախնազարյանը հրավիրում է» հոբելյանական համերգաշարի առաջին երեկոյին Ֆիլհարմոնիան կհյուրընկալի գերմանական KUSS լարային քառյակին, որի կազմում Միքայել Հախնազարյանը հանդես է գալիս 2008 թվականից։ Համաշխարհային ճանաչում վայելող քառյակը ելույթներ է ունենում այնպիսի հեղինակավոր համերգասրահներում, ինչպիսիք են Նյու Յորքի Քարնեգի հոլը և Վիեննայի Մուզիկֆերայնը։ Գերմանական «OPUS KLASSIK» մրցանակին արժանացած համույթի նշանակալի ձայնագրություններից է Բեթհովենի լարային քառյակների ամբողջական շարքը։ Այն ձայնագրվել է Տոկիոյի Սանտորի դահլիճում՝ Ստրադիվարիի պատրաստած և Պագանինիին պատկանած չորս գործիքներով։ Համույթը նաև հետևողականորեն հարստացնում է ժանրի երգացանկը՝ նոր ստեղծագործություններ պատվիրելով ժամանակակից կոմպոզիտորներին։ Երևանյան համերգի ծրագրում՝ • Յոզեֆ Հայդն - Լարային քառյակ սոլ մաժոր, երկ 77, թիվ 1 • Լյուդվիգ վան Բեթհովեն - «Մեծ ֆուգա» սի բեմոլ մաժոր, երկ 133 • Ֆրանց Շուբերտ - Լարային քառյակ սոլ մաժոր, D 887 Տոմսերը վաճառվում են նաև Ֆիլհարմոնիայի տոմսարկղում (Աբովյան 2)։ Տեղեկությունների և ամրագրման համար՝ 87-75։