Դասախոսություն արվեստաբան և Սերգեյ Փարաջանովի թանգարանի նախկին գիտաշխատող Հասմիկ Գևորգյանից։ Ֆրանսիայի երկու ամենաազդեցիկ կոլեկցիոներները գրեթե կես դար մրցակցում են նորաձևության տների, աճուրդային շուկայի, Փարիզի լավագույն հարթակների և արվեստագետների ուշադրության համար: Նրանց հավաքածուները ոչ թե հեռացում են այդ պայքարից, այլ դրա շարունակությունը: 1999 թվականին նրանք բախվեցին Gucci-ի համար պայքարում, որտեղ հաղթեց Պինոն: Մեկ տարի առաջ նա գնել էր Christie's-ը, ինչին Առնոն պատասխանեց Phillips-ի գնումով: Երբ Սեգեն կղզում Պինոյի փարիզյան թանգարանն այդպես էլ չկառուցվեց, նա հավաքածուն տեղափոխեց Վենետիկ, իսկ Առնոն Բուլոնյան անտառում բացեց Fondation Louis Vuitton-ը՝ Ֆրենկ Գերիի նախագծած շենքում: Պինոն Փարիզ վերադարձավ միայն 2021 թվականին՝ Բորսայի շենք, Լուվրից ընդամենը մի քանի րոպեի հեռավորության վրա: Սակայն գլխավոր տարբերությունը ոչ թե մասշտաբի մեջ է, այլ ճակատի անվան. Pinault Collection-ը մեկ մարդու անձնական ընտրությունն է՝ նրա ճաշակն ու արվեստագետները, որոնց հետ նա մտերիմ է տասնամյակներ շարունակ, իսկ Fondation Louis Vuitton-ը կրում է ապրանքանիշի անունը, որտեղ արվեստը ներկառուցված է մի համակարգում, որտեղ ճարտարապետությունը, ցուցահանդեսներն ու նորաձևությունն աշխատում են մեկ ընդհանուր կերպարի համար: