Բանախոսություն շվեյցարացի կոմպոզիտոր Կլաուս Հուբերի (1924–2017) և նրա «Սևահող» (Schwarzerde, 2001, Բազել) օպերայի մասին։ Բանախոս՝ Լևոն Հակոբյան, արվեստագիտության դոկտոր, Արվեստագիտության պետական ինստիտուտի (Մոսկվա) երաժշտության տեսության բաժնի վարիչ։ Հուբերի ողջ ժառանգությունը ներկայացնում է էկումենիկ, սոցիալական և կոսմոպոլիտիկ մի ուտոպիա՝ հիմնված տարբեր դարաշրջանների ու երկրների մտածողների, միստիկների և բանաստեղծների գաղափարների վրա, որոնք մարմնավորված են ավանգարդային, դիսոնանսային երաժշտական լեզվով։ 1989 թվականից նրա համար առանձնահատուկ նշանակություն են ստանում Օսիպ Մանդելշտամի արձակը, պոեզիան և կենսագրությունը. այս գիծն ընդհանրացված է «Սևահող» օպերայում։ Հետևելով Մանդելշտամի «Ճանապարհորդություն դեպի Հայաստան» ակնարկին՝ Հուբերը Հայաստանը ներկայացնում է որպես ուտոպիական աշխարհի յուրահատուկ մարմնավորում, որի ոգին խորհրդանշում է կոնտրատենորի ձայնը՝ հայերեն երգելով Մանդելշտամի մեջբերած հատվածները Փավստոս Բուզանդի «Պատմութիւն Հայոց» գրքից։ Մուտքն ազատ է։ Հարցերի համար՝ 011 570 570